Ka seiñ wa tip kam ka Grassroots deilang wa ar tylli kiwi kitæ ka Society for Urban and Rural Empowerment (SURE) waka Jaintia Hills Development Society (JHDS), ynne da pynman ki yaka Mela wa chi sngi neibynta ki SHG wa ki bru wa seiñ khih wa da chah sikai ha ka Grassroots.
Yeini da leh deiwa yoh kyrchaan na ka Quest Alliance, Bangalore wei da pynman ha kiwa boon ki bynta ka West Jaiñtia Hills District.
U Vivian Pajuh, uwa yahkhmat ka Grassroots, da ong u wa yeini da leh deiwa ya krehlang wa ki NGO neibynta i bha i miat ka imlang sahlang wei da ye ki u poi chadooh ki thaw wa cha kdong cha chmiang ka District. Da pynsñiaw u leh yei sñiawngooh yaka Quest Alliance kawa da e yarap wow e sikai kamjooh wow pynman ya kani ka SHG Mela.
Neiliang, Dr. H.H. Mohrmen, Secretary ka SURE da ong u wa da dep u wow wan na kiwa boon ki Mela, ki Exhibition, ki Expo wa da pynman da ka sorkar wa ki chnat yong ka wei da chem wa ki mar wa da pynmih toh ki jooh bait.
Da ong u wa da chem bait ya kiwa boon wa dai Achaar, ki Wine, ki baam soh wa kiwi de ki mar baam, wei manda jia kamni kini kiwa pynmih ya kini ki mar da yaknieh bhah ki para ki.
Kamtæ da ong u wa emkaam wow man kiwa chalak ki wym toh wa pynboon yongton yeiwa pynmih kiwi neibhah daw dooh yaaw ki.
Ha kani ka Mela da wan wow chimbynta da kiwa boon napoh ka District yow dai ya ki mar yong ki kam ki um soh, ki Wine, ki jhoor wa khlem pynemkaam dawai, ki baam dih cha, ki tiar ki tar wa chna da ki chken ki siej wa kiwi de.
Ya ka yalang da pynlai da ka Felicia Liam wa mihkhmat yaka Grassroots.
Discussion about this post