U Vice President ka ri, u M. Venkaiah Naidu da khut u ya ki paidbah wow jied yei lai uiñke suwari hapoh ka ri deiwa lai cha waroh ki kdong ki chmiang ka ri heithaw wow lai cha baar ri. Da ban joor u yei emkaam u lai leh cha ka thaaiñ North East deiwa ong, “I yachem dei langær para bru daw yarap ko wow pynyatylli wei pynkhlan ya ka ri.”
U Vice President da ong u yeini ha Delhi ynnin hawa yaklam wa kiwa chimbynta ha ka lai uiñsuwari kawa tip kam ka ‘North East on Wheels’ heiwa 75 ngut kiwa yah thuk-thuk wa kynthup ya 5 ngut ki kynthai na 18 tylli ki jylla daw lai luti ki cha waroh ki 8 tylli ki jylla ka North East.
U Naidu, da kynmoo u leh yei lai yong oo cha waroh ki jylla ka North East, deiwa khana hadooh katwon miat ki loom ki wah, ka riti dustur wei i bha mynsien ki bru, “Kini ki jylla man sakhiat ki kam i bneiñ ya kiwa ka’it u uiñke”.
Da ood u leh wa hanla em kat da ini ha kani ka thaaiñ dang boon ki bru wym tip chaphang yong ki kamtæ da pynchlur u wow lai yow maad yei miat nadooh ki thaw ki bhaw kamjooh leh ya ka dutur riti ki bru.
