ka Khasi Students Unions’ Mawkynrew Circle ha ka 17 tarik uni u bnai da pynchna ko ya ka yingkieñ kawa em ha ka wah Umlew, Jongksha kawa da sih, kawa ym man de wow lai luti lyngba yong ka.
Kani ka yingkieñ toh kawa pynyabi ya ka chnong Jongksha cha Mawlali, Mawber wa Thynroit wei ya katai ka yingkieñ da jooh pynemkaam da ki paidbah khamtam ki khynnah skur na chnong Mawlali, Thynroit, Mawber, Mawpyrshong, Madan Langning wa Thadan.
Ya kani ka yingkieñ da chna na chiliang da ka ka KSU Jongksha Unit wa na chiliang won da ka Mawlali Unit kiwa haap ha ka Mawkynrew Circle.
Neiliang ka Circle da chim ko ya kani ka luti neidaw wa mar ya wan i lyiur, boon na ki khynnah skur hap ki wow lai lyngba kani ka wah wei ini da wanrah ko ya chiboon i eh khamtam ha i por wa joor slap wei heh um iwa da booh hei maa ya ki khynnah wa ya ki warep kiwa hap wow lai lyngba katai ka wah.
Ka Circle da e khublei kyrpang ko ya kiwa yahkhmat ka KSU CEC kiwa da yarap ya ka Circle wow pyndep ya itai i thmu hadooh wa da yoh ya u soh i jop.
