Pynchna pynkhooid ka PWD (R) Shanpung Division ya ki 5 tylli ki sarok PMGSY

Ka yung krehkaam u Executive Engineer ka PWD (Roads) Shangpung Division, West Jaiñtia Hills ha ka 25 wa 26 tarik uni u bnai kam chibynta yong i lehkmen dap 75 snem wa yoh laitlooid ka ri kawa tip leh kam ka “Azadi ka Amrut Mahotsav” da pynman ko ya ka “Maintenance Drive” ha ki san tylli ki sarok wa da chna pyndep lyngba ka PMGSY kiwa haap hapoh kani ka Division.

Ya kani ka lai pynchna pynkhooid da leh lyngba ka National Rural Infrastructure Development Agency (NRIDA) kawa haap hapoh i pait yong ka Ministry of Rural Development ka sorkar pyrdi chirup wa ka chnat PWD (Roads) ka jylla, heiwa da booh ko ya ka thong wow pynman ya ka Maintenance Drive yaki sarok PMGSY hapoh ka jylla.

Lyngba kani ka Maintenance Drive da leh ya ki kaam wa kynthup nadooh i chna pynmiat yeiwa jæd, i pynkhooid ya ki jhep, ki dooid wow sumaar u syndong yaki Signboard, ki moo mær (Kilometer Stone) wa kiwi kiwi ki wow pynneh pynsah ya ki sarok wei wow yada ya ki paidbah wa pynemkaam ya ki.

Ki san tylli ki sarok wa da pynman ya kani ka Maintenance Drive wa ki Contractor wa da chna ya ki, kynthup leh ya ka tarik wa da chna pyndep ya ki ya kini ki sarok man ki kamni hawah:  

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

1. U sarok na Ksehtyrshang-Lumstong uwa jrong kamwa 4.00 Km ya uwa da chna da u Commander Slong wei da pyndep ya i kreh ha ka 15-12-2020.
2. U sarok na Ionglwit-Samatan-Ksehtyrshang wa jrong kamwa 8.00 Km ya uwa da chna da u Sevenborn Tang wei da pyndep ha ka 18-01-2021.
3. U sarok na Mynsoo-Kyndong Tuber uwa jrong kamwa 5.150 Km ya uwa da chna da u Lingias Dkhar wei da pyndep ha ka 31-03-2020.
4. U sarok na Nartiang- Ionglwit-Barato chadooh Latymphu wa jrong kamwa 3.185 Km ya uwa da chna da u Thomas Nongtdu wei da pyndep ha ka 01-09-2020.
5. U sarok na Thadialong-Thadbamon wa jrong kamwa 3.00 Km ya uwa da chna da u Friday Hinge wei da pyndep ya i kreh ha ka 13-07-2021.

Chooh chooh kini ki Contractor waroh toh u bahkhlieh ki wow pynneh wei wow chna pynmiat ki yei bynta wa sih ha kini ki sarok ya iwa tip leh kam ka Defect Liability Period iwa man neibynta san snem nadooh wa dadep chna ya kini ki sarok.

Ya kani ka Maintenance Drive ha kini ki sarok da wan sakhi wa da pyndep pura ya ka da u Executive Engineer ka PWD Shangpung Division, Shangpung u Erwin Stone Lyngdoh hei emlang u Assistant Executive Engineer ka Division, u Polestar Shullai, ki Junior Engineer ka Division u Dakima Chyrmang wa u Lucky Star R Lyngdoh wa kiwi kiwi.