Kam chibynta i lehkmen yei dap 75 snem i yoh laitlooid ka ri kawa da e pyrtuid “Azadi ka Amrut Mahotsav” neiliang ka yung krehkaam u Executive Engineer PWD (Roads) Jowai Central Division, Jowai ynne ka sngi da pynman ko ka “Maintenance Drive” ya u sarok PMGSY uwa pynyabi na ka chnong Mukhla Sohshrieh-Myrjai chadooh Mupliang uwa jrong kamwa 9.966 Km.
Ka National Rural Infrastructure Development Agency (NRIDA) kawa haap hapoh i pait ka Ministry of Rural Development ka sorkar pyrdi, lyngba ka chnat PWD (Roads), booh ko ka thong wow pynman ya ka Maintenance Drive yaki sarok PMGSY hapoh ka jylla wa kynthup nadooh i pynchna yeiwa jæd, i pynkhooid ya ki jhep, ki dooid, wow sumaar u syndong yaki Signboard, ki moo Kilometer wa kiwi, kamtæ i pynman yaka “Maintenance Drive” ha u surok PMGSY uwa na Mukhla Sohshrieh-Myrjai chadooh Mupliang leh toh hajrong kani ka thong.
Ha kani ka “Maintenance Drive” najrong kiwa chong chnong ka Mukhla Sohshrieh, Myrjai wa Mupliang da emlang leh u M. Tang EE, u H. Pakynteiñ AEE, S. Challam JE, A. Manner JE, J.M. Laloo JE, D. Iongwai JE, u Contractor L. Dkhar wa kiwi.
