Shillong: Hadien wa khut ya ka yaleh pyrchah ha waroh kawi ka jylla kiwa sikai SSA kiwa em hapoh ka lama Meghalaya SSA School Association (MSSASA) ynne ka 20 tarik won da rai ki wow pyndam noh ya ka yakhih hadien waka sorkar da kular ko wow su noh ya ka tulpo hapoh chi tayaw.
U President ka MSSASA Aristotle C Rymbai da ong u wa, “U montri ka tnat puræ puthi da pynche u waka tulop wa sah ya kiwa sikai SSA kawa da poi hadooh T. 123 Klur da pyllait da ka sorkar jylla wei kani toh neibynta ki san bnai ka tulop wa sahkut wei da kular u montri wa hapoh chi tayaw u pynlait syndon ya waroh ka tulpop kawa sah.”
U Rymbai da pyntip u leh u waka tulop toh u neh ko kamwa da kular kawa man ya ki Lower Primary kawa T. 19, 044 chi bnai wa ya ki Upper Primary Teacher won T. 20, 493 chi bnai.
Ha iwi tawon i liang ka MSSASA da beiñ joor ko ya iwa ong u Defender Lamare, General Secretary ka All Meghalaya SSA School Teacher Association (AMSSASTA) wa pynbaad u wa u MSSASA President u Aristotle C Rymbai da man u kam u Agent ka sorkar Meghalaya Democratic Alliance (MDA).
Heiyatoh wa ini u Rymbai da pyntip u waka yalang CEC wa pynman ha kani ka 13 tarik da paan wow pynche u Lamare yeini wa pynbaad u.
Discussion about this post