Shillong: U President ka Jaiñtia Hills PWD Muster Roll Workers’ and Labour Union u KL Pariat da pyntip u da pyndam ya ka chah thngan ynne ka sngi hadien wa u symbood montri rangbah u Prestone Tynsong da kular u wow yachem wa ki dkhot ka seiñ ha ka 21 tarik uni u bnai ha kamra krehkaam yong oo heiwa daw em leh ki sahep ka chnat Labour wa kiwi kiwi.
Ya kani ka chah-thngan da sangeh heipor janmiet hadien wa da hun ka seiñ yei tyrwa ka sorkar.
Ha kani ka chah-thngan da em kamwa 300 ngut ki Muster Roll wa wan chimbynta kawa pynman nadooh 10 waje i step ha thaw pynyeiñ kari ka Additional Secretariat, Shillong .
U President ka seiñ da pyntip u da yoh u yaklam wa u Prestone lyngba ka phone u Magistrate uwa da pyntip wa i pynkhreh wow pynku ya ka bai nongsngi cha ka T. 300 da lai i cha khmat wei daw pynman kaam noh ka manda yahcem ki montri ka sorkar.
Hei yatoh won waka Meghalaya Building and Other Construction Welfare Board (MB&OCW Board) neiliang u Pariat da pyntip uwa em kamwa 14 tylli ki yoh myntoi ki Muster Roll wei ya kini leh daw yaklam manda yachem waka sorkar ha ka 21 tarik wei lada ym ye ko u pynbiang ya i dawa daw pynjoor chooh chooh ya ka yakhih hadooh wow lai cha ka yung bichaar.
Discussion about this post