Ka Dorbar Chnong Pahamsyiem kawa em ha Ri-Bhoi District da pyndam syndet ko yei pynhle ya ka Lucky Draw kawa da mut wow pynman ha ka 24 tarik uni u bnai neidaw wa suba wa da em kiwa leh thok wei pynemkaam bakla ya ki Ticket.
Yeini da pynbna da u waheh chnong, u Jetwin Lyngdoh ynne wa da pyndam noh chisiendon wei ym pynman de ka.
Da ong u wym em laad de da iwi lait noh wow pynsangeh yei pynkhle ya kani ka Lucky Draw hadien wa chem wa em kiwa da chim boon bha ki Ticket yow lai dai ki tangwa ym em de wan pynuiñ ki wot ya ki Ticket wym em ye u dai wei kitu kiwa dadep dai leh ym em yoh ki waroh hadien wa pyrchang u pynlang pynlum ki chwa wow pynkhle.
Kamtæ da ong wa ym khooid de ini waroh wei kamtæ ym ye de wow lai chakhmat yow pynkhle deiwa khooid wa suba.
Da pyntip leh wa kitu kiwa dadep thied Ticket daw pynuiñ biang ya ka poisa yong ki deiwa wanrahlang ki ya ki Ticket wa da thied ki.
Kani ka Lucky Draw toh kawa da thmu wow pynkhle boon tylli ki kari wa kynthup ya ki ar chaka kiwa dapoi waroh 13 tylli ki kari.
Discussion about this post