Pyndam ka sorkar Manipur yaka hukum wow pynman kreh da ka sngi Easter Sunday

Ka sorkar Manipur da ka thong wow ye u pyndep ya ki kaam kheiñ yei sap i tap yong u snem mang tangka 2023-24, ha ka 27 tarik uni u bnai da pynbna sngi kreh ko ya ka 30 wa 31 tarik uni u bnai neibynta waroh ki yung krehkaam sorkar wa kynthup nadooh ki Corporation, ki Autonomous Body, ki Society kamjooh ki Company wa em hapoh ka sorkar.

Tangwa ka 31 tarik kawa ym du wa man kam ka Sunday da man ko leh ka sngi kyntang ya ki Christan kawa man kam ka Easter Sunday wei ini wa pynmih hukum ka sorkar da wanrah ko yei beiñ na kiwa boon ki Christan wa kynthup ya ka seiñ Poumai Naga Tsiidoumai Me kiwa da ong wym ye u pdiang yeini wa leh ka sorkar.

Ha ka kyrwoh wa da phah ki, da ong wa ini wa leh ka sorkar toh iwa leh chiliang khlem da pyrkhat yei sñiaw yong niam.

Hadien ini, ka sorkar Manipur da pynmih hukum ko da kawi kawa ong wa u pynman kreh du ha ka 30 tarik katwa ka 31 tarik u man ko ka sngi chuti.

Related posts

Thooh dei kreh ong ka SC ya ka kynthai wa dawa Rs. 12 klur, i yung wa ka BMW kam ka bai yalait kurim

July 22, 2025

Ksoh ka ED ya ki yung ki sem deilang ka poisa wa dapoi Rs. 20 klur yong uwa jooh pynlai ya ka CMJ University ha Meghalaya

July 22, 2025