Ka sorkar jylla kam chibynta wow pynku ya ki kaam uiñke suwari ha ka jylla, da rai wow thied ya i thaw wa heh hadooh 50 Acre ha Nongmahir, Ri-Bhoi District wa i pynlut u man i hadooh T.10 klur.
U Montri Rangbah ka jylla, u Conrad Kongal Sangma da ong u wa ya ini i thaw wa thmu ka sorkar wow thied toh neibynta wow pynku ya ki kaam uiñke suwari.
Ha ini i thaw daw chna ya ki Resort wa kiwi kiwi wow pynmiat pynyoosuk ya ini i thaw wa da em chwa.
Kiwi ki rai wa da chim ynne toh wow pyndam noh ya ka Rajat Lal University Act, 2011 wei kani ka aiñ u kheiñ wa da pyndam nadooh u snem 2020 wei ya kani ka aiñ ym em yoh mynjur na u Lat ka jylla na ki daw daw wa boon, wei hadien wa yoh mynjur na u Lat ha u Thohlakhmi u snem 2020, hadooh katni ympu yoo dak da kani ka skurbah wow sdang ya i kaam wei ymye ko wow e ya i jubab wa hun cha ka sorkar.
Discussion about this post