Pyndam ka sorkar yaka Article 370 wa Article 35 (A), u phiah yaka J&K cha ki ar tylli ki UT

Jowai: Ka sorkar u Modi ynne ka sngi lyngba u Home Minister u Amit Shah da pynbna u wow pyndam noh yaka Article 370 wa Article 35 (A) ha Jammu & Kashmir kiwa e ki hok wa kyrpang (Special Status) ya kani ka jylla.

Ki kyndon ka Article 370 toh kawa da jooh chah pynkylla na ki por cha ki por cha ki por katwa ka Article 35(A) toh kawa neh kamjooh kawa ym jooh em pynkylla.

Ha chwa wow pynbna ya ini, neiliang ka sorkar da phah kset ko ya kiwa yahkhmat ki seiñ saiñ hima kani ka jylla hapoh ki yung yong ki deiwa khang leh ya i lai i wan yong ki, wei da pyndooh leh ya i krehaam ki Phone waka Internet hapoh kani ka jylla.

Da rai leh wow pynkylla noh ya kani ka jylla cha ka Union Territory (UT) kawa sariem kamwa man ka Delhi wa Puducherry katwa ka Ladakh Division won u man ko ka yong ka hi ka Union Territory kawa ym em ka Legislature namo kawa ym ye u chna aiñ wa sariem kam ka Chandigarh.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hapoh ka Article 370, ka sorkar pyrdi emkaam ko ya i bor naka sorkar jylla hawa pynkrehkaam ya kiwon kiwon ki aiñ hapoh ka jylla lait noh ki aiñ wa yatoh waka yada ri, ki kaam poisa, i yatoh lok wa kiwi ki ri wa ki kaam wa yatoh waka phone, internet, tv wa kiwi wa ya sariem.

Hapoh ka Article 370, kiwa chong chnong ka jylla im ki hapoh ki yong ki hi ki aiñ wa kynthup kiyi wa ye u man tre ri, i hok ki tre chnong iwa pynman ya kiwi na ri India wym yoh ki u thied thaw hapoh ka jylla Jammu & Kashmir.

Hapoh ka Article 35 (A) won da e bor yaka sorkar jylla ka Jammu & Kashmir wow rai ko kiwon wa ye u man kam u tre jylla iwa ong wa du kiwa em hapoh ka jylla nadooh ka 14-05-1954, kiwa da sah hapoh ka jylla la 10 snem wei man ki kiwa em thaw em bhaw iwa pynman ya kiwa na baar wym yoh ki wow thied thaw kamjooh wow yoh kreh sorkar hapoh kani ka jylla.

Kani ka Article leh kawa tip leh kam ka Permanent Residents Law pyndooh ko yei hok yong ki kynthai wow man ki kam ki tre thaw lada yoh kurim ki da u baar jylla hadooh ki khon ki leh ym yoh ki ya ini i hok.

Deiwa pyndooh ya kini ki Article kattu mut wa kiwon kiwon kiwa napoh ka ri India ye ki u thied thaw wei u sah hapoh kani ka jylla iwa da wanrah yei syier mynsien ya ki tre jylla kiwa boon wa man ki Muslim wa daw man noh ka Jammu & Kashmir kawa boon noh da ki Hindu iwa man leh wa waroh kiwi ki aiñ wa krehkaam hapoh ka ri India u krehkaam noh ki hapoh ka Jammu & Kashmir.

Also Read: Sa 6 bnai u pteiñ ka President’s Rule ha Jammu & Kashmir