Ka Supreme Court ka India ynne da pyndam ko ya ka hukum yong ka hi wow e kti yei kaam ka All India Football Federation (AIFF) ha ka Committee of Administrators (COA) wei ya kani ka hukum da pynmih hadien wa ka FIFA da Suspend ko ya ka AIFF deiwa ong wa i chimkti ka COA yei pynlai ya ka AIFF man ko pyrchah ya ki kyndon krehkaam ki seiñ wa da tipmit da ka AIFF.
Ka Supreme da leh smat ko yeini neibhah ka FIFA da pyndam ko leh ya ka U-17 Women’s World Cup kawa da toh u pynman ha India ha u Naichiphaw uni u snem yow bien ka FIFA u pyndam noh yei Suspend ya ka AIFF yow lai bait kani ka World Cup.
Neiliang ka sorkar India leh da thoh ko wow kyrpaad ya ka yung bichaar hadien wa da dep yaklam ko wa ka FIFA ynnin tayaw.
Kamtæ ka Supreme Court ynne ka sngi da pynyinsur ko chi tayaw yow pynkhreh yow pynman Election heiwa kiwa thap Vote toh u man ki seiñ wa tipmit da ka AIFF wa em ha ki jylla ka ri heiwa da thung ya u Umesh Sinha wa u Tapas Bhattacharya kam ki Returning Officer.
Ya ka AIFF daw pynlai da u AIFF Acting Secretary General deiwa pyndam noh ya ka COA.
I por wa da booh iwa hadooh ka 28 tarik uni u bnai yow pyndep yei pynman Election daw pynyinsur sa chi tayaw wei ka Executive Committee ka AIFF toh u em ko 23 ngut (wa kyntup ya u President, Vice President wa Treasurer wei kiwa jied ya ki toh da kiwa mihkhmat ki 36 tylli ki Association ki jylla ka ri) wei 6 ngut toh u man ki kam kiwa yalehke wa bna naam.
