Pyndam noh ka sorkar ya ka Meghalaya State Housing Board deiwa su Rs. 7.42 klur cha kiwa kreh

Ka sorkar jylla ynnin ka sngi da rai ko wow khang wei pyndam noh ya ka Meghalaya State Housing Board (MSHB), wei da e da ka Voluntary Retirement Scheme (VRS) cha waroh kiwa kreh.

Waroh kini kiwa kreh da em ki 18 ngut ha kani ka chnat hadooh kattæ, wei lyngba ka VRS daw yoh ki waroh deilang hadooh Rs. 7.42 klur.

Kani ka chnat toh kawa da duna kreh bha wei ka tulop ki leh nachwa em ki por wym em yoh ki heipor wei i kreh leh toh iwa duna bha ha kani ka Board, kamtæ kiwa kreh leh da ong ki wow khang noh ka.

Related posts

Mynsoo joor ki ar ngut hadien wa noh ka Truck chapoh riat ha Ri-Bhoi

April 23, 2026

Maham ki muktiar ka East Jaiñtia Hills wow lai cha ka NGT lada ym yada ya ka Wah Litein nei thmu tih moochuni ka Shree Cement

April 23, 2026

U Montri Rangbah ka jylla, u Conrad K Sangma da ong u wa kani ka rai toh kawa da sahteiñ da slem bha heiwa kiwa kreh da kyrpaad ki ya ka sorkar wow leh rap smat wei ka sorkar da chim ko ya kani ka luti wow pynkut noh syndon ya ka.

Kam wow kdaw wa kani toh ka chnat kawa jooh e ram chna yung ya ki bru ha ka jylla tangwa katni da em laad ki bru da kiwi wow chim ram, kamtæ da nang tlot wei duna poisa katwa dang lai ki sngi iwa da pynman ya ka sorkar wow chim noh ya kani ka luti.