Ha i yachem ki Montri sorkar ynne namo ka Cabinet Meeting wa da khlieh da u Montri Rangbah ka jylla, u Conrad Sangma da chim ya ka rai wow pyndam noh yei leh Interview neibynta kiwa yaleh kreh sorkar ha ki Group D Post.
U Conrad da ong u wa ini i pyndam yeini man ko kam chibynta wow man ka thung kreh kawa khooid wei deiwa bood leh yeiwa phah ka sorkar India lyngba ka Department of Personnel & Training (DoPT), Ministry of Personnel, Public Grievances & Pensions.
Kam wow pynkynmoo wa ini i dawa wow pyndam noh ya ka Interview hawa yaleh ya kini ki jait kreh toh iwa da mih neipor cheipor hapoh ka jylla khamtam hadien ka sorkar da pynbna ko yeini heiwa da em leh 23 tylli kiwi ki jylla kiwa da bood yeini.
Neiliang ka sorkar pyrdi da pyndam ko yeini wow leh Interview nadooh wa sdang u snem 2016 neibynta ki Group-B (non-gazetted) wa Group-C Post ha ki thaw kreh ka sorkar pyrdi.
Discussion about this post