Pyndam u Lat ya ka pynbna wa hap u chim bor na ka KHADC yow pyman yakob khwe dakha

U Lat ka jylla Meghalaya ynne ka sngi da pyntip u wa neidaw wa da chem wa i pynbna namo ka Notification No.DC/RBF/XXXII/64/2023/171 kawa em tarik 14-07-23 yong ka Khasi Hills Autonomous District Council heiyatoh wow booh kyndon wei wow pait yei rukom pynlai ya ki yakob khwe, da pynmih ya ka hapoh ka Part-II A ka Gazette of Meghalaya kawa em tarik 03-08-23. Kamtæ da ong wa ini waroh ym em da leh deiwa bood kyndon yow pynbna ya kani ka Notification.

Hajrong ini, u Lat da pynbna u wa kani ka Notification wa da kdaw haneiñ toh kawa da pyndam napoh ka Gazette of Meghalaya.

Kam wow kdaw heini wa kani ka Notification toh neibynta wow hap u paan bor chwa na ka KHADC chwa wow pynman ya ki yakob khwe ha ki nan wa em hapoh u pood u ang ka Council wei da emkaam leh wow yoh NOC na ki waheh chnong deiwa hap leh wow pyntip cha ki DC wa ki SP yeiwa da yoh bor.

Neliang won u Officer In-Charge ka chnat Fisheries, toh i kaamram yong oo wow pyntikna wa da bood yei kyndon kiwa da booh hawa e bor wow pynman ya kani ka yakob khwe dakha wei lada em kiwa leh pyrchah yow pynchitom ya ki.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Kani ka Notification kawa da pyndam toh kawa da pynmih hapoh ka aiñ United Khasi-Jaintia District Fishery Act, 1954 wa Rules 29 ka Assam and Meghalaya Autonomous District Council (Constitution of District Councils) Rules, 1951.