Hadien ka yakhih yong ki dkhot ka KSU hakhmat ka yung krehkaam ka MPSC wa em ha Lachumiere ynne ka sngi, neiliang u Chairman da khut u wow yaklam ya kiwa yahkhmat ka seiñ heiwa da pdiang leh wa em i bakla hawa yatoh wa i rukom khut pynpsiah kreh.
U Reuben Najiar uwa man kam u Chairman ka Employment Monitoring Cell, da ong u wa ha i yachem wa u Chairman wa Secretary ka MPSC, da kular ki wow pynlait paidbah noh myntu hi ka sngi ya ki Marks wa yoh da waroh kiwa yakhun ya ka Exam MCS, katwa neibynta i kaam MPS won da khana u wa ka seiñ da dawa ko wa toh u khut Interview bait ya waroh 43 ngut ym du ya ki 27 ngut katkam wa da em ha ka kyndon yaleh kreh.
Da khana u leh wa neiliang ka MPSC da pdiang ko wa em i wym biang næ ka Legal Complication, tangwa ka MPSC da kular ko wa daw pyntip myntu hi ka sngi ya kitæ ki wym biang cha ki dkhot ka KSU.
Heiyatoh wa i kreh Statistical Officer ha A.H. & Veterinary Department, da ong u wa ki heh ka MPSC da pdiang ki wa da bakla hawa pynmih ya ka Advertisement neibhah wa man ko neibynta 2 ngut tangwa da pynmih wa em du iwi i kreh wa lait wei hajrong ini leh, ka MPSC da kular ko wow phah ya ki kot ki sla kiwa toh cha ka KSU.
U Reuben da ong u leh wa i kynrum kynram ha i rukom krehkaam ka MPSC u jia ko neibhah boon kiwa thung kam kitæ ki Political Appointee namo ki bru wa da thung sñiawbha Politics, wei hajrong ini ka seiñ daw lai ko wow dawa na ka sorkar wa toh u pyndam noh ya waroh kiwa da thung pynsñiawbha yow ye u pynbait pynthymme won ya ka MPSC.
Discussion about this post