Pyndep ka KKC ya ka kynmoo warom sngi yap u Woh Kiang Nangbah ynne ka sngi

Related posts

Ha ka 16 tarik u pynman ka Seiñ Raij Nongjngi ya ka lehniam Yadaw Masi

June 29, 2025

Jied waheh chnong thymme ka Tuber Kmai Chnong

June 28, 2025

Jowai : Ka Seiñ Khynroo Khyllood Committee ka Seiñraij Jowai ynne ka 29 tarik da pynkut ko yei leh warom ya ka lyngkhooh snem yap wa 153 yong u woh Kiang Nangbah ha Madiah Kmai Blai Syntu Ksiar. Da sdang ya kani ka kynmowarom nadooh ka 27 tarik.

Ynne ka sngi da pyndep ya ka Yasiat Khnam Pyllah, Slow Racing Bicycle wa ka Slow Racing Motor Bike.

Da sdang chwa ya ka Yasiat Khnam Pyllah heiwa 18 ngut wa kynthup ya ki khynnah, khynroo, ki waheh wa tymmen da chimbynta ki nyngkong ha ka yakop samen wei da yoh lad u siat mar san tylli ki khnam.

Da booh ya ka thong siat wa jngai 25 mitar na ki wa siat. Ha ka kylla wa khatdooh sah sa ar ngut u ma Bin Shylla na Sabah Muswang wa u ma Saiñmiki Suwer na Iongpaih. Kini ki arngut da pyrchang ki boon tylli ki khnam chwa u tne u ma Bin Shylla ya ka thong wei da rah u yei naam jop kamjooh ya ka song poisa T. 3,000 katwa u ma Saiñmiki u wa wan wa ar da yoh u T. 1,000.

Ha ka yakop wa ar da em 8 tylli ki dhab wa yasiat wa yabhah mar le ngut. Ha kani ka kynti da jop ka dhab u Lamet Phawa, Bin Shylla wa u Kyllin Shylla. Da wan wa ar ka dhab u Kiri Pakyntein, u Marbait Dhar wa u Garlin Phawa. Ki wa jop da rah ki ya ka song poisa T. 3,000 ki wa wan wa ar T. 1,500.

Ha ka yakop Slow Racing Bicycle næ ka wa jop  uwa wan khatdooh deiwa lai wer khlem pynhap kjat ha khyndaw kamjooh khlem lai pyllat u ang wa da booh ha i jngai wa 20 mitar. Ha ka Bicycle da jop u Kitmitre Challam pynbood sa ka Syiemsynshar Sumer. U wa jop da yoh u ya ka song poisa T. 1,500 wa ar T. 1,000.

Ha ka Slow Racing Motorcycle da jop u Monty Challam wa ka song poisa T. 3,000 wa ar u Lambai Challam wa ka song poisa T. 1,500.

Ye phi u puræ ya kiwi ki yalehke wa da dep pynman ka Seiñ Khynroo Khyllood Committee ka Seiñraij Jowai heini wa heini.