Ka Minerva Wahlang (22 snem) kawa na Nongmensong, Shillong da poi ko cha ka thong wa da angnood ko nadooh wa dang khynnah wow man kam ka Pilot, iwa da man kam ka nongmuna ya kiwi ki khynroo ka jylla Meghalaya wow yoh kreh ha kini ki jait kaam.
Ka Minerva da pyndep ko yei chah sikai wa tip kam ka Commercial Pilot License (CPL) Course na Chimes Aviation Academy (CAA), Madhya Pradesh, wei kattu da man ko kawa da pynkhreh wow lai ha ka luti wow man kam ka Pilot ha ki Airlines namo kiwa pynlai ya ki lieñsuiñ.
Ka Minerva heini i lai luti ko da yoh ko yei kyrchaan wei e mynsien na ka bei wa u pa ko, u Satyendra Kumar Joshi waka Meristella Wahlang, kiwa da emlang ha chrooh ko ha waroh kini ki snem wa da lai pyndep ko yei chah sikai. Da khana ko wa boon ympu tip ki chaphang ki jait kreh ha kini ki jait kaam wa ye u yoh, wei da ong ko wa dang emkaam bha i pynsñiawthooh paidbah hapoh Meghalaya wa kiwi ki thaaiñ ka Northeast.
Heijooh i por da ong ko wa ini ymtoh iwa suk tangwa da pynchlur ko leh ya kiwi wow thooh ki ki laad ki luti.
Ini wa da ye ka Minerva wow leh man i kam wow pynchlur leh ya kiwi ki kynthai neibhah dang duna bha ki ha kani ka jiat kaam wa boon da ki chynrang wa leh iwa pynyoo leh wa kiwi ki kynthai ye ki wow leh yeini deiwa em i raitkut wa kiwa yahluti.
Neiliang ka bei wa u pa ko leh da kyntu ki ya ka sorkar Meghalaya wow pynman yei pynsñiawthooh paidbah wei wow kyrchaan ya kitu kiwa kwah wow em ha ini i kaam.
Discussion about this post