Jowai: Ka Mukhla Wahshnong Sports Club, Mukhla Nongrim hei yakrehlang wa ka Nehru Yuva Kendra Saganathan (NYK), Jowai da pyndep ko ya ka “Summer Internship Programme” hapoh yong ka Swachh Bharat, deiwa pyndep ya chiboon ki jait kaam kam wow pynkhooid ya ki luti ki syngkieñ, pynkhooid ya ki umbaam umdih, ki thaw sait that, u booh ya ki tin pyllang jhep, i thungdieñ, wa kiwi kiwi hapoh ka 100 kynta.
Ya kani ka Summer Internship da sdang nadooh ka 21-05-18 hadooh ka 31-07-18.
Neiliang u Secretary ka Sport Club u Player Suna da pynsñiaw u yei sñiawngooh wa da e khublei ya waroh ki khynroo ka Sport Club ka dong, ki manbei, ki khynnah, ki khynnah skur, ki khynroo ka Mukhla Nongrim, ya ki skur waphær waphær kiwa ya chimbynta, ya ki waheh na ki dong waphær waphær kiwa em hapoh ka chnong Mukhla, ya u waheh chnong ka Mukhla Nongrim, kiwa da ya krehlang wa ki chirup wow pynjop ya kani ka programme, kawa man kam ka nongmuna neibynta i bha i miat, i khooid i jngiar ya waroh ha ki sngi ki wa daw wan.
Discussion about this post