• About Us
  • Contact Us
  • Privacy Policy
  • Advertise With Us
  • Terms & Conditions
Friday, May 9, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Culture

Pyndep ka Raij Jowai ya ka Kñia Thoh Langdoh

Wyrta Staff by Wyrta Staff
March 19, 2025
Reading Time: 5 mins read
A A
0
Share on FacebookShare on Twitter

Ynne ka sngi Hat, 19 tarik, ka Raij Jowai hei yahkhmat u Dolloi kam u khlieh ka niam khlieh ka Elaka chirup ki chakri niam ka Raij, ki Phra Kur Phra Kmai, ki waheh wasian wa ki khon khynroo ka Raij Jowai da pyndep ki ya ka lehniam Thoh Langdoh næ ka kñia e ngooh yow Blai Langdoh ha duwan pyndep niam wa em ha Khloo Langdoh.

Kam wa pynkynmoo, chwa wow poi kani ka sngi, ha ka Musiang, 15 tarik da em ka leh niam Kbai Mooknor kawa da man hei chimbyntalang ki chakri niam ka Raij deilang ki Phra Kur Phra Kmai chirup wa ki waheh wasian ka Raij da mih ki chakhmat ka Yaaw ka Syiem wow pyndep ya ka lehniam Kbai Mooknor nae i e wyrta chula hakhmat ka Yaaw ka Syiem wa da toh i por wow sdang noh ka Niam Behdieñkhlam hapoh ka chnong ka Raij.

Katkam ka rukom dustur wa pynjooh sikai ha kani ka sngi Thoh Langdoh næ Kñia Thoh Langdoh, ka adong niam ong ko wym hoi u pooh u daiñ, u pyntakha tamong, u tympiah tympra næ u pyntngit pynjngut yei doh i pran ka Bei Rymaw neibhah kani toh ka sngi wow pynkhroo yei burom ka Bei Rymaw kawa psa wa pusai wa khat wa kyndup yow bru pyrthai liang wanang.

Hakhmat ka Duwan Kñia wa em u Moo Langdoh, ya ka lehniam ha kani ka step da pyndep da u Sangot Paswet chirup i synranlang u Sangot Pasubon wa u Sangot Pakyntein.

Related posts

Da rah tarik ya ka General Meeting ka Kur Sana kawa daw pynman ha Jowai

May 7, 2025

Ym chah ya kiwa wan dai baam ha ka Chaad Sukra ka Seiñraij Chnong Tuber Kmaichnong

May 3, 2025

Neiliang u Dolloi, u Puramon Kynjing hei yaklam, da ong u wa na kani ka leh niam kam ki pateiñ u 7 Wasa kiwa im ha kani ka juk, yoh i chiboon i sikai heiyatoh wei longbru manbru wei wow im ha ka yurim wow tip u maya, u burom, u sñiawngooh yei kyrkhu wa yoh na ka bei rymaw.

Ha kani ka step hadien wa da pyndep ya ka leh niam na Kloo Langdoh ka bynta wa bood won yong ka niam wa hap ki Wasan u pyndep toh ha Yung Langdoh ya ka Thung Sang heiwa ki Wasan u chim ki yow symbe toh symbe saru, symbe sakhia dep tæ bet ki ha kpær i rasa wa em ha chrooh ka Yung Langdoh wei deiwa pyndep ya kani ka niam, ki khon ka Raij ka chnong ha ka sngi wa bood dahoi u sdang ki yei pooh i loor, i bet i thung yong ki.  

ShareTweetSendShare
Previous Post

Yoh ka chnong Latyrke ya ka kari kit jhep

Next Post

Paan ka MSCPCR na ka Karnataka ya ka Report wa bniah hajrong i yap ki ar ngut ki khynnah

Next Post

Paan ka MSCPCR na ka Karnataka ya ka Report wa bniah hajrong i yap ki ar ngut ki khynnah

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar