Pyndep ka Raij Tuber ya ka Niam Shat Thoh

Ka Raij Tuber da pyndep ko ya ka Niam Shat Thoh ynne ka sngi Mulong deiwa sdang nadooh 2:00 waje i step kawa man leh ka sngi pynhaap symbe u Longdoh.

Yeini da pyndep da u Longdoh wa ki Wasan chirup wa u Tymmen Raij wei da pynhaap yow symbe u phñiang heipor 8:00 waje i step.

Kani man ko ka sngi wa kyrpang ya ki khon ka Raij wym hoi u thang jhep ha pchem ha dwar, ha kpær ha sah, ha loom ha pdeiñ.

Hachwa ini da pyndep ya ka Lehniam Kñia Ryngkaw ha ka 4 tarik uni u bnai ka sngi Hat ha Mukoi Muwe U Syiem Ryngkaw wa em ha Khloo Blai Raij Tuber da u Longdoh Raij Tuber, ryngkat ki Wasan wa ki Tymmen Raij wei da man ko leh ka sngi kyntang yong ka Raij Tuber kam chibynta wow e ngooh ya ka Bei Rymaw deiwa pyndep ya ka niam ka rukom lyngba ki hukum Blai.

Related posts

Hanla jhieh na khlieh ha kjat leh chongchit ka Chaad Sukra 2025 ka Seiñraij Jowai

April 6, 2025

Daw pynman ya ka General Meeting ka Seiñkur Mukhim Shabong Shallam/Challam Jaiñtia Hills District

April 6, 2025

Da pyndep leh ya ka niam ka rukom ka kñia ka khriam ya ki chong bri chong khyndaw da u Tymmen Raij ha ka 6 tarik uni u bnai wei da man ko ka leh niam leh rukom kawa lai bait lai ryntih deiwa bha i kñia i khriam wei da yoh ya ka dak ka chin kamwa da haap u slap wa man i kyrkhu yong ki Blai ki Syiem kiwa rap suk ya ka dan ka khat yong ki deiwa pynhaap ki da u slap hachwa u pynhaap u Longdoh ya u Symbe u Phñiang ynne ka sngi.

I pyntip na Longdoh ka Raij Tuber.