Pyndep ki 25 ngut yei chah sikai chna kpieñ khadu wa kiwi de ki tiar da ki dieñ ki siej

Ka yung krehkaam u District Commerce and Industries Centre Jowai, ynnin ka sngi da pynkup burom ko ya ki 25 ngut kiwa da ye u pyndep yei chah sikai yow chna ya ki mar waphær waphær kam ki kpieñ, ki khadu, chah chkoor ki tiar pynriam, tiar pynemkaam ha yung deiwa pynemkaam da ki dieñ, ki chkhen ki siej deilang wa ki tiar ki tar wa da kheiñ jhep.

Ha kani ka e sikai kawa 25 sngi ha chnong Sohkha Mission, da wan wow hikai da ki bru wa da pliah wa tip kam ki Master Craftsmen yong ka Neera Foundation.

Ya kini ki 25 ngut kiwa da ye u pyndep yei chah sikai da pynkup burom da u kongsan, u  M.L. Wanshnong Joint Director, Directorate of Commerce and Industries deiwa emlang u S. Majaw, Retired General Manager, ka Neera Sarmah, Director Neera Foundation, ka S.E. Kharpran, Functional Manager DCIC Jowai, u S. Pale, Industrial Promotion Officer DCIC Jowai, u P. Suchen, Waheh Chnong, u M. Manner, Secretary Chnong deilang wa kiwi de.

U kongsan hawa e yei klam yong oo da yaroh u wa da ye ki wow pynemkaam yei sap i tap lyngba ini i chah sikai wei da kyntu u ya ki wow pynemkaam hok yeiwa da yoh ki ha kini ki 25 sngi wei wow pynpliah chooh chooh yei kaam chna tiar yong ki.

Related posts

Ka dukan MMS Service wa ye u kylliang tiar, u chna, wei ye leh u thied da ka DMI wa Bajaj Finance kamjooh ka Zero Down Payment

February 18, 2026

Da wai ya ka Lush Beautyy ha Jowai kawa em leh ya ka Korean Spa neibynta ki chynrang wa kynthai

February 10, 2026

Da yoh leh yei klam na u P. Suchen, ka Neera Sarmah wa na ka S. E. Kharpran, kamjooh leh na ki ar ngut kiwa chah sikai kiwa da pynsñiaw yei myntoi wa da yoh ki ha kini ki 25 sngi.