Ha ka 3 tarik uni u bnai, ki 37 ngut ki khynroo khyllood kiwa da yoh sikai (Training) wow man kam ki Unarmed Security Guards (USG) wa da pynman ha Iooksi Umdiengling, WJH da yoh ki ya ki Certificate wa da man ki Security Guard wa pura.
Kani ka Training toh kawa ar bnai (Basic Training) heiwa ha ka Passing Out Parade da wan sakhi da u Currentis Rabon uwa na ka chnong Barato kam u kongsan deiwa emlang u Rev. CS Suchiang wei da wan pynsmai neiliang ka chnat pulit da u C. Lamare, In-Charge ka Saphai Kympreng deiwa emlang ki bru yong oo.
Da wan sakhi lang da ki heh ka U.EX.S.S.A Agency u R.A Marak, ka S. Diengdoh wa kiwi de. Neiliang u Pyndaplang Muksor, Public Liaison Officer da e khublei u ya kiwa chimbynta waroh kamjooh ya kiwa sikai kam ka D.M Shadap (Camp Commander) wa ka F. Muksor, Instructor USG Training Centre Iooksi Umdienglieng.
Neiliang u kongsan leh da e u ya ki kyntien sneiñ, kyntien kroo ya ki khon khynroo khyllood wym hoi u dooh kyrmen ki khamtam hawa duna yoh khih yoh khan ha kini ki sngi.
