Ki 37 ngut kiwa pyndep yei chah sikai kaam soor (Self Employed Tailoring) da yoh ki ya ki Certificate kawa pynman da ka Meghalaya State Skill Development Society (MSSDS), ha ka yalang wa pynman ha ka 20 tarik uni u bnai ha Mookyndeng, West Jaiñtia Hills.
Ya ki Certificate da saam deiwa sakhilang u F.R. Shadap, BDO ka Laskein Block, u Lambormi Suchen, SDO ka West Jaiñtia Hills District, u Waheh Chnong ka Mookyndeng Madankynsaw, u Rimanki Chympa, ka Sr. Jubil Mary Dkhar, Director ka Auxilium Skills Training Centre Khapmara, ka Sr. Jemma Phyllei, Sr. In-charge ka St. Francis Convent Mookyndeng, ka Sr. Rodalin Kamar, Administrator ka Auxilium Skills Training Centre Khapmara deilang wa kiwi de.
Neiliang u Rimanki Chympa hawa e yei klam, da yaroh u ya ka Auxilium Skills Training Centre, Khapmara kamjooh ya ka Sub Center Mookyndeng deilang ka MSSDS yei e ki ya kani ka sikai wa kordor ya ki khynroo khyllood.
Kawi kawa da pyndep yei sikai, ka R. Saioo da khana ko yei yoh myntoi na ini i chah sikai iwa da yarap yei khih i khan ko u heh u san.
U F.R. Shadap da e khublei u ya kini kiwa da pyndep yei chah sikai deiwa pynchlur ya ki wow pynemkaam hok yeiwa da tip ki kamjooh leh ya kiwa pynman ya kani ka e sikai kiwa da chimkhia wow pynku yei sap ki khynroo khyllood.
Discussion about this post