Ha ka 11 tarik uni u bnai, ki khynroo khyllood wa em 64 ngut wa wan na kylleiñ soodong yong ka Ri-loom Khasi wa Jaiñtia da pyndep ki ya i chah hikai ka 4th Batch namo ka dhab wa soo wow man kam ki Security Guard kawa da leh ar bnai wa da pynman da ka Tornado Security Agency ha looksi Umdeinlin, West Jaiñtia Hills.
Ya kani ka sngi pynkut da wan sakhi da u S. Tang uwa jooh man kam u MDC na ka chnong Sohkymphor kam u kongsan heiwa da yaroh u ya ki khynroo khyllood kiwa wan chah hikai iwa daw wai laad ya ki wow yoh khih yoh kreh.
Ha kani ka sngi pynkup burom ya kiwa da pyndep yei chah hikai, da e ya ki kyntien kular da u Rev. R.S. Nongkynrih na ka chnong Barato wei hawa yoo u ya kani ka thaw pynkynmoo ko ya oo ha ki ki por wa dang khian u, i por wa dang lai skur u heiwa ympu jooh em kam kani ka rukom hikai.
Ha kani ka yalang da emlang u Lector Dkhar kam u sumbood kongsan, u C. Suchiang, u E. Sumer wa man leh kam u waheh chnong warim yong ka chnong Iooksi Umdeinlin, u O. Suchiang, ka Heimonmi Phawa, u Welborn Phawa kamjooh ki bei ki pa yong ki khynnah.
Neilliang u Pyndaplang Muksor uwa man kam u Camp Commander and Training In-charge da e khublei u ya kiwa chimbynta na ki chnong waphær waphær.
Da e u leh i kyntien kyrkhu kyrdoh khamtam ya kitu kiwa noh synniang ha kani ka thaw nadooh u Waheh Chnong ka Lakadong, u F. Rymbai, u Markos Surong (Advocate), u Francis Swer wa ka Golda Talang.
