Pyndep ki 71 ngut ki pulit thymme yei chah sikai na 3rd MLP Bn. Sahpseiñ

Ka Passing Out Parade yong kiwa da pyndep chah sikai wa tip kam ka 2^nd Batch Armed Branch Recruit Constables wa da pynman ha 3^rd MLP (1^st IR) Battalion, Sahpseiñ, West Jaintia Hills District da pynkut ka ha ka 12 tarik heiwa ka Idashisha Nongrang, IPS, Director General of Police ka Meghalaya da wan ko kam ka kongsan wei da chim ko leh ya ka salam wei da lai pait lai sylli ko ya kiwa yaleh Parade.

Hawa pdiang sñiawbha ya kini ki pulit thymme ka Meghalaya Police, ka Idashisha Nongrang da e khublei ko ya kitu kiwa da pyndep ya kani ka e sikai kawa khor bha wei da pynkynmoo ko ya ki yei kaam wa daw leh ki kattu ha ki thaw kreh wa da booh ya ki. Da kyntu ko leh ya ki wow pynemkaam bha yeiwa da tip ki neini i chah sikai wei wow rah ki ha i por wa kreh ki hadooh wa chong-ngiah. 

Ka DGP da saam ko leh ya ki khusnaam cha kiwa jop ha kiwa boon ki jait sikai heiwa yei naam Best in Arms Handling da lai cha u ABRC Lectush Sangma na West Garo Hills DEF Tura, yei naam Best in Firing da lai cha u ABRC Tengsrang Sangma na East Garo Hills DEF Williamnagar, yei naam B.P.E.T da lai cha u ABRC Sumardeiakor Niang na West Garo Hills, Tura, yei naam Best in P.P.T da lai cha u ABRC Jenggilbirth Ch. Marak na West Garo Hills, Tura, yei naam Best Exemplary Conduct da lai cha u ABRC Octoborn Talang na West Garo Hills, DEF, Tura katwa yei naam Overall Rounder da lai cha ABRC Ynsateilang Kharsyntiew na East Khasi Hills, DEF Shillong.

Neiliang u Commandant ka 3^rd Battalion, u Vivekananda Rathore, IPS da ong u wa kani ka Passing Out Parade man ko kam uwi na ki moomær wa emkaam hei lai luti uwon uwon u pulit wa em ya kawon kawon ka kyrdan. Kamtæ da man iwa sñiawkmen wow yoh u yoo ya kiwa da ye u pyndep ya kani ka chah sikai.

Related posts

Da chim ya ka Statement u pulit wa yah ya ka kari wa ya tyrrah wa ka thuk-thuk

November 24, 2024

Thung ka sorkar da ka Committee yow pynthymme noh yei rukom krehkaam ka MPSC

November 24, 2024

Da yaroh u leh yei man ryntih wei kreh chitom kiwa chah sikai heiwa ym em yoh kawon kawon ka ujor pyrchah ya uwon uwon u Recruit Constable næ u Follower nadooh wa sdang hadooh wa kut ka e sikai.

Da pyntip u leh wa kani toh ka Second Batch wa da ye u pyndep ha kani ka Training Centre heiwa ya ka First Batch da pyndep ha u 2014 deiwa em 97 ngut ki Recruit Constable na ka 3^rdBattalion wa 6^th Battalion. Wei kini kiwa dang pyndep kattæ toh kiwa em 71 ngut na kiwa boon ki Unit wa ki District wa kynthup ya ka West Garo Hills DEF, East Khasi Hills DEF, East Garo Hills DEF, 1^st Meghalaya Police Battalion, West Jaiñtia Hills DEF, Special Branch, CID, Ri-Bhoi District, North Garo Hills DEF, South Garo Hills DEF deilang wa uwi u Driver wa 8 ngut ki Follower.