U Montri Rangbah ka jylla, u Conrad K Sangma ynne da pynkup burom u ya ki MCS wa thymme (2025 Batch) ka Meghalaya kam chibynta ka Valedictory Programme hadien wa da pyndep ki yei chah sikai wa 16 tayaaw kawa tip kam ka Induction Training Programme (ITP) wa da pynman ha Meghalaya Administrative Training Institute (MATI), Shillong.
U Conrad hawa e yei klam da ong u wow em i kitkhlieh deiwa ye u pyndep yei kreh katkam wa da booh thong wei deiwa booh leh yeiwa emkaam ki paidbah hakhmat deiwa ap yeiwa emkaam ki.
Da ong u wa 90% i por jooh lai i chakhmat khlem da yaklam chwa wa ki paidbah, kamtæ da emkaam wow ap u sñiaw chwa wow chim yei rai.
Kini ki MCS wa thymme da pyndep ki yei chah sikai wa em 16 jait wa kynthup nadooh kiwa yatoh wa ka synchaar khadar, ka aiñ, ka puræ puthi, ki kaam wa yatoh wa manda jia wa pynyoo bor ka bei rymaw, ki kaam pynroi sor kamjooh ki kaam pynroi palatsor wa ka e-Governance.
Da lai ki leh cha ki 5 tylli ki District ka Garo Hills wei da lai yah leh cha Thailand yow pait ki chaphang i rukom pynlai ya ki thaw wa man sor, i jhep, ka puræ puthi wa i chait i khiah.
Da em leh ka e sikai wa deiwa chimbynta ha ka Karmayogi iGOT Platform heiwa da hap ki wow pyndep ya 489 tylli ki e-Course deilang ka “Symposium of Solutions” heiwa uwi pa uwi na kini ki MCS da hap ki wow pynyoo kammon u leh ki yow pynbait ya iwa boon iwa chem chitom wa maad ka jylla wei da pynlang ya kini yow lai e cha ka sorkar lada ye u pynemkaam ki.
Discussion about this post