Ynne ka sngi da pynman yei saam ya ki Certificate cha kiwa man kam ki PwDs (Person with Disabilities) mano ki bru kiwa em i duna heiliang i doh i pran kiwa da pyndep yei sikai soor that (Vocational Training for PwDs) ha Tuber Kmaichnong.
Kani ka e sikai toh kawa da sdang nadooh ka 01-04-22 wei da pyndep ha ka 31-03-23 kawa pynman da ka Tuber Kasturba Gram Seva Kendra deiwa yarap leh da ka yung krehkaam ka District Social Welfare Officer, East Jaiñtia Hills District.
Kini kiwa chah sikai da em ki waroh 10 ngut kiwa na Tuber Kmaishnong 6 ngut, na Wapung Skur 2 ngut wa mar samen na Wapung Chnong wa Iongkaluh.
Ya kini ki Certificate da saam deiwa ya emlang leh wa u waheh chnong ka Tuber Kmaichnong, u M. Lyngdoh, u President ka Tuber Kasturba Gram Seva Kendra, u S. Sana deilang waka District Social Welfare Officer, East Jaiñtia Hills District, ka R. Passah.
Kini kiwa chah sikai toh kiwa da jied na East Jaiñtia Hills wei hadien wa pyndep u saam ya ki Certificate da lai pait leh ya ki that wa da dep soor ki wa kynthup nadooh ki muna wa ki sula wa boon rukom.
