U Aibormiky Suchiang u khon ka Mary Suchiang uwa chong wa sah ha Dongmihsngi, Ladthadlaboh, Jowai da pyndep u ya ka AFC ‘C’ License Diploma Course kawa da pynman ha Shillong nadooh ka 12-03-25 hadooh ka 23-03-25 da ka All India Football Federation.
Ha kini ki 12 sngi da yoh hikai u kammon wow man kam u Coach neibynta ki khynnah hadooh kiwa da heh (Grassroot/Senior) wei da pyndep u ya ka Practical deilang ka Theory heiwa ya ka Practical da pynkhreh 5 sngi kamjooh leh ka Theory wei da yaleh sa ka Practical wa Theory Exam.
Ha kani ka e sikai da wan wow chimbynta wow wan pynpliah da ki Coach kiwa na Garo Hills, Khasi Hills wa na Jaiñtia Hills kiwa da em waroh 24 ngut tangwa kiwa ye wow pyndep namo kiwa Pass da em ki 19 ngut wa kynthup ya ki le ngut kiwa na Jaiñtia Hills kitæ u Dame Kyndiah, u Joshwa Pohdeng wa u Timi Ryngkhlem.
U Aibormiky Suchiang da man u leh uwa yalehke wa da mihkhmat ya ka jylla Meghalaya kamjooh leh ya ka ri India ha ki snem kiwa nachwa chwa wow kyruiñ u chei kaam Coaching wei da jooh yalehke u leh na kiwa boon ki Club ha Shillong nadooh u snem 2008 na ka Shillong Lajong, Langsning FC, Royal Wahingdoh FC, Małki SC, Laitumkhrah SC, Laban wei khaddooh na ka Rangdajied United FC.
Da jooh lai cha hikai u leh cha ka ri Argentina ha u snem 2014 haka Boca Junior Athletic Club kawa em ha Buenos Aires najrong neitæ da pyndep u leh ya ka National Institution of Sports in Football Coaching (NIS) ha Kolkata ha u snem 2019-2020.
Discussion about this post