Ka chnat General Administration (B) ka sorkar Meghalaya da pynbna paidbah ko yei emkaam u em pyrtuid hapoh u Aadhaar deiwa ong wa ya u Aadhaar ye wow leh nadooh neibynta kiwa dang kha, wei ya ki khynnah kiwa hadooh 5 snem, ka bei wa u pa ye ki wow pynyoo ya u Aadhaar Number ki deilang wa ka Birth Certificate i khonboo wei heini i por u chon du i dur donhi wei ym chim yei dur ki pariam kti wa ki pyllung khmat (Fingerprint & Iris Scan).
Ki khynnah wa em Aadhaar, daw hap ki wow lai chon yei dur ki pariam kti wa pyllung khmat wa tip kam kam ka Biometric Update nyngkong heipor wa em ki 5 hadooh 7 snem wei hadien wa em ki 15 hadooh 17 snem yow pyntikna wa toh ki jooh ki khynnah katwa dang heh dang san ki wei yeini ym hoi u dam u leh.
Kitu ki wym leh ya ka Biometric Update kiwa em 5-18 snem daw chah pyndam u Aadhaar ki wei ini daw ktah ko yei yoh Scholarship, i thap pyrtuid yow yaleh ya ki National Level Entrance Exam wa kiwi de kiwa emkaam wow em Aadhaar, kamtæ da kyntu wow leh yeini yow lait u jinjar.
Kitu kiwa yaleh ya ka NEET (UG)-2025 hap ki wow pyntikna wa u Aadhaar ki man u uwa biang katkam ka 10th Marksheet/Passing Certificate wei wow pynyabi leh ya u Aadhaar ki wa u Mobile Number wa krehkaam yow ye u yoh ya ki OTP yow lai bait i leh Registration yow lait em i thut hawa leh yeini waroh.
Da pyntip leh wa ya u Aadhaar ye u yaleh dei mynkna kamjooh ka Biometric Updates neibynta ki khynnah wa em 5 hadooh 7 snem wa kiwa em 15 hadooh 17 snem.
Kamtæ neiliang ka sorkar da kyntu ko ya kiwa chong chnong ka Meghalaya ki wym pu em yaleh Aadhaar wow leh smat ki, wei ki bei ki pa leh wow pynchlur ki ya ki khon ki wow pyndep yei leh Aadhaar deiwa lai cha ki yung krehkaam ki DC wa kamjooh cha ki yung krehkaam ki BDO.
Discussion about this post