Ka Jaiñtia Hills Truck Owners Association (JHTOA) da phah pynuiñ ko ya kawi ka Truck Trailer kawa em 22 chaka kawa em ya u Number- PB-10GK-7305 kawa kit Clinker na karkhana Goldstone Cement Factory, Lumshnong cha Assam.
Ya kani ka Truck da ksoh da ki dkhot ka JHTOA ha u sarokbah wei kani ka Truck da kit ko ya i mar wa khia (Gross Weight) 67.930 Ton.
Heiyatoh wa ini ka seiñ da pyrchah joor ko ya kam kini ki Truck Trailer wow kit ya ki mar wa mih pyn neini na i.
“Da pyndong i ya kani ka Truck neidaw wa ka luti ympu yahaap ko wow wan kini ki Truck Trailer kiwa jrong heijooh i por lada e laad i ya kini ki jait kari wow kit mar wa mih na i daw pyndooh khih ko ya ki tre jylla khamtam kiwa em truck na Ri-loom Jaiñtia,” da ong u President ka JHTOA, u Biangshwa Shylla.
