Pyndur kiwa thok poisa wa toh ki pulit na Jowai Police Station deiwa maham wan kem: OC

U OC ka Jowai Police Station, u Sunday Manner hawa yaklam wa u Wyrta ynne ka sngi da pynsñiawthooh paidbah u hajrong i chah thok ki paidbah khamtam ka Online Fraud heiwa da em boon bha kiwa da ngat ha ki waphær waphær ki buit kiwa chim kabu kiwa boon jait bha.

Da ong u wa hawa yoh Phone na ki bru wym tipmit, toh u pyntikna chwa ya kitu ki Number wa Phone ki khamtam kitu kiwa tyrwa wow kreh na yung (Work from home) neibhah hap kylli kammon yoh Phone Number ki neibhah katni i kreh toh iwa chitom wow yoh wei ym em bru wow kreh chitom yow pynyoh kreh ya kiwi.

Wei lada lai chakhmat u yaklam wei lada paan poisa uni u bru toh u sangeh noh heitæ ym emkaam u su ya ka poisa wei lada kwah u su leh toh u lai pyntip chwa cha ki pulit yow lait nei chah thok.

Kiwi de ki chah thok toh deiwa phah thap poisa namo ka Investment Plan heiwa lada thap poisa daw yoh nong chiboon. Ya kam kini leh ymtoh u ngait neibhah kiwa leh kamni ymtoh wa kwah ki wow pynmyntoi ya kiwi tangwa wow myntoi ki ya ki hi. Neibhah ym em u bru wym tipmit u wow won hi-eh yow yarap ya kiwi.

Related posts

Pyrchah ka India yei thmu ka IMF wow e yarap poisa ya ka Pakistan da ki Billion Dollars

May 9, 2025

Sangeh yakhih ka MCTODA | Da e por ya ki karkhana Coke 10 sngi

May 9, 2025

U OC da khana u leh wa em sa kawi ka rukom thok toh deiwa tyrwa dai kari kam ha Facebook hei dor wa duna wei boon kiwa da chah pynbiej neibhah ka kari da tyrwa hei dor wa Rs. 40,000 wa Rs. 50,000 tangwa kini ki bru da paan poisa ki Rs. 1000 hadooh Rs. 2000 yow pynpoi ya ka kari.

Da e nongmuna u leh wa ynne da em u bru uwa na West Jaiñtia Hills uwa da su Rs. 40,000 tangwa hadooh kattæ leh ka kari ym poi de. Wei manda pait yei Number uni u bru wa yaklam u da chem toh uwa na Rajasthan.

Sa kawi won ka rukom thok kawa dang thymme katni toh deiwa yoh Phone na ki bru kiwa da kam toh ki pulit wa da em ka hukum wow lai kem ki heiyatoh wa i kaam thombor ya ki kynthai heiwa ynne hi i janmiet da jia ini heiwa uwi u bru da kylli u wa lada em ki pulit na Jowai Police Station kiwa da phah yow lai kem ya uwi u bru uwa ha-yung u, heiwa manda kylli u OC da chem wym em kam itæ wa phah kem bru ha Jowai.

Kini ki bru da pyntip ki wa yoh Phone ki na ki bru wa ong wa phah u OC ka Jowai yow lai kem ya uni u bru heiyatoh waka Case yong ki kynthai wei lada kwah u u lait hap ki wow su da ka poisa.

U OC da pynche u wa kam kini ki jait kaam ym jooh leh ki pulit heiwa ym jooh pyntip hi leh chwa wow lai kem.

Kamtæ da ong u wa lada yoh Phone na kam kini ki bru ye phi wow pyntip wut-wut deiwa Phone ha u 112 hawa em kiwon kiwon kiwa pyrchang wow thok u chukor.