Jowai : Ka West Jaiñtia District Badminton Association ynne ka sngi da leh burom ko ya ki wow chimbynta ha ka yakop State 34th level Badminton Championship ka wow pynman nadooh ka 23 hadooh ka 26 tarik yong uni u bnai ha Shillong.
Kiwa da chah jied da em ki 30 ngut heiwa 5 ngut toh ki kynthai wa 21 ngut ki chynrang wa 4 ngut ki Official.
Ki coach kiwa da kreh chitom u pynkhreh toh u Nangebormi Suting, u Dawonohi Chullai kam u Assistant Coach wa u Stefan Blah kam u Manager.
Kiwa chimbynta daw yakhun ki ha ki kyrdan U-12, U-15 wa ka U-17.
Da saam leh ya ki tracksuit cha waroh wa cimbynta wei da saam leh ya kiwa jop ya ka Lucky Draw yong ka seiñ heiwa da jop ya ka 1s Prize da ka Kibeitki Passah heiwa ya ka Second Prize da jop da u Deiburom Passah.
Discussion about this post