Jowai : Ka ophis yong ka District Child Protection Unit, West Jaintia Hills District haka 12 Khonchonglad da pynman ko ya i lehkmen Children s Day haka thaw ri khonswet wa em ha Sahsniang wada tip kam ka NEIMA.
Ha kani ka sngi lehkmen u Tbn.W.Kharkongor President ka NEIMA da man u kam u kongsan, da yoh leh yei klam pdiang burom na kiwa kreh kani ka thaw ri khonset.
Ya i klam pynche ha kani ka sngi dayoh naka kong R.D Kynjing kawa man ka District Child Protection Officer Jowai Unit.
Ha kani ka sngi da em leh i yalehke Maibul race, musical chair, put balun, kbum um ha ktien yow pyndap haki klat. Da em haroh i yatan tylle hapyrdi ki bru yong ka Child Protection Unit wa ki khunswet ka NEIMA.
Da saam leh yaki prize cha ki wa jop ha kani ka yakop katwa yaki kyntien e khublei won da yoh na ka kong Mawlong na ka Non-institutional District Child Protection Unit. Da sakhi lang ya i lehkmen ki khynnah da ki dkhot ka Childline Unit Jaintia Hills hapoh i yahkhmat u bah J Kharmiti Center Coordinator.
Discussion about this post