Kam chibynta wow pynemwarom lang chityllup ka pyrthai ya ka World Environment Day ynne ka sngi, neiliang ka Seiñ Raij Raliang leh da chimbynta lang ko hei wow thung ya ki tre dieñ harood madan kyndeh ke Chrah-Umphula Seiñ Raij Raliang, wa cha ka Mowtyllieñ Park Chaadksoh Tympong Seiñ Raij Raliang khnang wow pynneh pynsah ya ki dieñ ki siej.
Ha kani ka sngi waroh ki khon ka Seiñ Raij nadooh ki waheh wa sian, ki khon khnroo da ya mih yong lang ki hei wow ya thung sñiawbha ya ki dieñ.
Ha chwa wow thung ya ki tre dieñ da em ka yalang wa tbian wa pynlai da u President ka Seiñ Raij, u Binroy Dkhar, katwa ya i klam pyrdi da yoh na u Hamjhan H Dkhar uwa man u General Secretary ka Seiñ Raij heiwa da ong u emkaam bha u pynneh pynsah ya ki dieñ ki siej khnang wow yoh ya ka la’ær wa khooid, kamjooh u yoh ya ka um wa pahooh, da pynkynmoo u leh nachwa dang boon ki dieñ jooh mih bha ki um changpet katni won da wiar ki dieñ da duna bha ka um, kamtæ i kam ka pateiñ toh u thung i rap boon ki tre dieñ bar yeiwa pam wa thyllem khamtam wa joor i chit katni ya boi pathan sam chaphrang ki sngi wym ye i u tip.
Da yaroh u ya ki waheh nachwa wada chynna jngai ki yeini kamtæ ki da booh ki da ki Khloo Blai wa ki Khloo Kyntang khnang wow yada ko na i chit kyrang ka sngi.
