Ar ngut ki kynthai ha Madhya Pradesh da jan chah tlep pynim ki hadien wa kawi ka Truck Dumper pynhaap khyndaw ko ha ki katwa dang pyrchah ki neidaw wa yaknieh thaw iwa da jia Rewa District.
Ki pulit da kyntait ki wa ini toh iwa leh deiwa yoobeiñ ya ki khian paaid namo ki Dalit neibhah ha ka 20 tarik da em i ya kajia thaw ha chnong Hinota Kothar wei kini ki kynthai wa chah tymmoh khyndaw toh ka Asha Pandey waka Mamta Pandey ki wym toh ki Dalit.
Ini i Video wa da poor bha, da yoo wa wan kiwa ha-yung kini ki kynthai wow yarap tih ki heiwa kawi da chah tymmoh ko nadooh na khlieh katwa kawi won hadooh ka tympong.
Ki pulit da pyntip wa kini ki kynthai da pyrchah ki leh yei thmu wow chna sarok u wow lai nei thaw yong ki iwa dei chim wai ki wei iwa pynemkaam ki yow rep.
Ya waroh ar kini ki kynthai da kit cha ka Community Health Centre wa em ha Gangev heiwa kawi na ki da yap ler ko.
Kini ki kynthai da pynbaad ki wa kini ki bru wa leh yeini toh dei thmu wow pynyap syndon ya ki wei neiliang ki pulit da Register Case ki pyrchah ya le ngut wei da yoh u kem ya uwi.
Discussion about this post