Pynhaap lut ka Meghalaya ya ki Wicket ka Manipur kawa kamai 211 Run ha ka Ranji Trophy

Shillong: Ka Meghalaya ha ka sngi wa nyngkong ka Ranji Trophy kawa yaleh ko pyrchah ya ka Manipur da ye ko wow pynhaap lut ki Wicket ka Manipur kawa kamai 211 Run kawa pynman ha Kolkata ynne ka sngi.

Ka Meghalaya hawa Bat ko da yoh ko 82/1 hadooh wa kut ka yalehke ynne ka sngi deiwa bood 129 Run ya ka Manipur.

Ka Meghalaya da jop ko ya ka kylla khlem wei da jied ko wow kawang bol nyngkong wei da yoh ko u pynhaap smat ar tylli ki Wicket ka Manipur kiwa yoh u Abhay Negi wa u Chengkam Sangma.

U Aditya Singhania man u uwa da leh bha na kiwa kawang bol uwa da yoh 4 wickets deiwa e 42 Run, u Gurinder Singh da yoh u 3/52, u Sangma 2/25 katwa u Negi da yoh u 1/27.

Related posts

Dei kreh yonglang pynkhreh ka Seiñ Raij Raliang ya ka Kopati Puja

November 17, 2024

Rah ka Iapmala Wahshnong ya ka 3rd Interdong Football Tournament

November 17, 2024

Mynstep kiwa Bat ka Meghalaya kiwa daw pteiñ toh u Raj Biswa wa u Captain u Jason Lamare kiwa da kamai lang 59 Runs neibynta u Wicket wa ar hadien wa u Tarique Siddique da haap u deiwa kami 4 Run katwa u Biswa won da kamai u 47 Run katwa u Lamare won da kamai u 18 Run.