Jowai: Ka Khasi Students’ Union (KSU) Sonapyrdi Unit ynne ka sngi da pynkut ko ya ka “2nd Annual Sports Meet 2019” wa da wan chimbynta da ki 3 tylli ki skur wa kynthup ya ka Govt. LP School, Namchiang UP School waka Little Flower LP School.
Da sdang ya kani ka yalehke Sport nadooh ka 27 tarik uni u bnai wei da pynman 5 tylli ki jait yalehke kam ka yaphep 100 meter, Long jump, Marble Spoon Race, Sack Race waka Relay.
U kongsan ha kani ka sngi pynhaap pyrda ya kani ka Sports Meet toh u Ohibait Dkhar President KSU-JHDU, u Morningstar Pasi kam u symbood kongsan, hei emlang u GS ka KSU-JHDU u Garland Shadap Manner wa kiwi kiwi ki dkhot ka KSU-JHDU deilang wa kiwa sikai kini ki le tylli ki skur wa sakhi leh da u waheh chnong ka Sonapyrdi u Edimon Lamare wa ki paidbah.
Ya kiwa jop da e ya ki da ki takma ksiar, rupa wa tama katkam wa jop ki, deilang wa ki Certificate wei yaka yalang da pynlai da u KS Suchiang President KSU Narpuh circle.
U kongsan u Ohibait Dkhar hawa e yei klam da pynchlur u ya ki khynnah wow man ki kiwa minot wei wow pynemkaam yei por yong ki yow yoh por ki wow yalehke Sport yow lait ki na ki kaam wa sih.
Kiwi de kiwa klam ha kani ka sngi toh u waheh chnong ka Sonapyrdi wa u TL Gympad.
Ini toh katkam ka kyrwoh na u Careme Dong, Sports Secretary KSU Sonapyrdi Unit
Discussion about this post