Pynhaap pyrda ka Sohkha Kynjai Club yei lehkmen dap 100 snem

Ka Sohkha Kynjai Club, Sohkha Mission, West Jaiñtia Hills District, ha ka 30 tarik da pynhaap pyrda ko yei lehkmen Centennial Jubilee namo i dap 100 snem ha ka yalang wa da pynman ha pchem ka Community Hall, Sohkha Mission.

Ya ka yalang da pynlai da u Levellin L. Gadew kam u Chairman wei da yoh yei duwai na u Rev. Dr. S. Hayong deiwa pynbood da ki kyntien pdiang sñiawbha wa i rwai pdiang sñiawbha na ka Sohkha Kynjai Club.

Da pynbood dei klam na u Lenardo L. Gadew, President, Sohkha Kynjai Club; na u waheh chnong ka Sohkha Mission, na u Nolmon Roy Gassah, Senior Member wa i rwai na ka Sohkha Government Higher Secondary School.

Da kynmoo warom leh ya kiwa kitkaam wa nyngong dooh ka Club wa kyntup ya u (L) Mon Sing Khonglah (Captain), u (L) Dwelson Suchen (Vice-Captain), u (L) O.S. Royce Gadew (Secretary), u (L) Bruwellson Suchen (Asst. Secretary) wa u (L) B. Prudent Gadew (Treasurer).

Related posts

Siat uwi ya ka kynthai dep tæ siat u ya idæ hapoh College | Yoh u riñ da ka CCTV

February 9, 2026

Khlaad sa uwi uwa mynsoo neiwa jia ha krem mooyong wa em ha taaiñ Mynsngat-Thangskoo | Ku cha 28 ngut kiwa yap

February 9, 2026

Da em leh i klam tbian na u S.G.R. Lanong, na u H.B. Lanong, Adviser ka All Sohkha Development Committee wa u Wanphrang Hayong Gassah, District Librarian. Da yoh leh yei chaad tynre na ka Iengskhem Cultural Organisation, Sohkha.

Ha kani ka sngi da wai leh ya u moo sahnaam da u Dr. A.J. Syngkon, MP kam u kongsan wei da pynliat u leh ya ka Souvenir ka Centennial Jubilee deiwa emlang u Jamshaphrang Pohtam, MDC kam u symbood kongsan deilang ka Dolly Khonglah, Secretary ka Meghalaya International Chamber of Commerce.

U kongsan hawa e yei klam da e khublei u ya kiwa da seiñ ya kani ka Club yeiwa wai ki khmat ki ha kitu ki por wow leh yeini kamjooh kiwa kitkaam wa katni yow pyntyllung ya ki kaam wa bha ka Club nadooh wow yarap ya kiwa em yei sap i tap hei tem i put wa i rwai i siaw.

Ha kani ka sngi da pynman leh ya ka 9^th Excellence Award kawa pynman da ka Dorbar Chnong Sohkha Mission deiwa emlang u Manbha Khonglah, Project Director, Meghalaya Bharti Airtel Foundation kam u konsan.

Kiwa yoh ya ka Award man ki kamni, ka Safiyona Gashnga 1st Division, BSc, u Rikidame L Gashnga, 1st Division, HSSLC,(Science), ka Aikinsanlang L Gadew, 1st Division HSSLC(Arts), u Vitreous Pohshna,1st Division, SSLC, u Abednego Liting, 1st Division SSLC, ka Maialangki Myrlia, 1st Division SSLC, ka Agnimi La Ai Diengngan 1st Division, SSLC, ka Suchen Khonglah, 1st Division SSLC wa u Artaban Pohshna, 1st Division SSLC.