Pynhaap pyrda u Sniawbhalang Dhar yaka Football Tournament ha Wahiajer

Jowai: U MLA ka Nartiang Constituency u Sniawbhalang Dhar da pynhaap pyrda u ya ka Football Tournament yong ka Tympang Club Wahiajer, ynnin ka sngi.

Ha kani ka sngi yei naam jop da rah daka Chiruplang FC deiwa pynrem yaka Sohphoh SC da 2-1.

Yaki kool da thap da u Heimonmi Dkhar haka minit wa 20 wa na u Buda Loni haka minit wa 54 katwa yaka kool ka Sohphoh SC da thap da u Yoris Talang haka minit wa 25.

Hakani ka sngi dawan sakhi ya kani ka Final da ki waheh wasian ka Wahiajer wei chwa wow sdang ka yalehke da em ka yalang wa pyllai da u Lukas Jat uwa man u Waheh Dong ka Tympang Club Wahiajer.

Ya ka dhab wa jop da rah ko ya ka song poisa wa T. 60 hajar katwa kawa rem da rah ko T. 40 hajar katwa yei naam Third Place da rah da ka Mookyndur SC T. 20 hajar.

Related posts

Khut ka MFA ya ki khynnah yow chah jied hapoh ka Academy wa dang sdang thymme ko

January 29, 2026

Khaddooh da yoh bor wow pynman ya ka Final ka Super Division ka WJDSA

January 29, 2026