Ynne ka sngi, ka KSU Namdong Unit deilang wa ki bor chnong ka Namdong ‘B’ deiwa yahkhmat u General Secretary ka Unit u Juhhi Tariang deilang wa u Maywillbe Lamare wa u Assistant Publicity u Kitboklang Lamare hei emlang u Waheh Chnong u Andreas Sumer wa ki kattu katni ki dkhot yong ka chnong da pynhær yut ki ya ki le ngut ki baar jylla kiwa wan khayi pyrchah yaka aiñ hapoh ka thaaiñ Namdong ki wym biang ya ki kot ki sla.
Kamtæ neiliang yong ka seiñ wa ka bor chnong da maham joor ki ya waroh ki baar jylla kiwa wan khayi cha kani ka thaaiñ wa ym chah wow psiah kulmar khlem da yoh bor neibhah ka chnong kawa katni dang chongsuk chong saaiñ wei dang im para i ha kani ka thaaiñ wei ym emkaam ya kiwa nabaar wow wan kjit yaka kamai kajih yong i deiwa tyrwa næ wan dai tiar pyrchah aiñ hapoh chnong poh thaw.
Da ong leh wa da em i ya ki yaw ki haat wow thied kamjooh ki dukan hapoh chnong poh thaw, da ong u General Secretary ka Namdong Unit u Juhhi Tariang.
