Jowai: Ka Caroline Colony Women’s Walfare Organisation, Jowai ynnin ka sngi da pynkut ko yei lehkmen dap 25 snem ne “Silver Jubilee” yong ka seiñ kynthai kawa da tip kam ka “Women’s Walfare Organisation” kawa da seiñ nadooh ka 3 Nai-ynru yong u snem 1990.
Yei sngi pynkut yong kani ka lehkmen da wan pynhap pyrda yaka da u ma Andrew Shullai, Dy. CEM ka JHADC kam u kongsan, hei emlang chiroop u ma Marki Mulieh MDC ka Jowai North, u ma Govint Chyrmang waheh chnong, ki nongchong chnong waki dkhot yong ka seiñ.
Katkam ka parom tbian ha ka Sovenir ka seiñ kynthai da leh ko chiboon ki kaam wow kyntu yaka imlang sahlang hapoh yong ka dong, nachwa ka dong Caroline Colony em ko chiboon i duna hei yatoh waka sarok, ki luti lai kjat, ki street light wa ki kor saam umbaam umdih, heitu por dang em du 2 tylli hieh ki thlu um kiwa da e da u ma C.Lyngdoh uwa kreh ha ka tnad PWD.
Hajrong i duna yong ka dong, da pynman yaki manbei wow pynmih noh da ka seiñ yong ki kawa da tip kam ka Women’s Welfare Organisation.
Kam ka dak lehkmen yeidap 25 snem, ka sein kynthai da thung ko ya kamwa 25 tylli ki tre dieñ harood sarok yong ka dong, da e yarap ko leh ya ki khynnah kiwa em i duna hei bor khmat ha Nangbah Mulang.
Natlor itæ ka seiñ kynthai, da pynman ko yaki Variety show nei bynta ki khon khynroo khylood ka dong kiwa khynthup ka quiz, debate, singing competition, extempore speech, dancing competition wa kiwi kiwi ki yaleh wyrngia.
U ma Andrew Shullai kam u kongsan da e u i yaroh yaka dong seiñ kynthai, ong u leh ka dong Coroline Colony toh ka dong kawa da yoh yei naam, da ku bha ko ha waroh ki liang nadooh nachwa khamtam heiliang i khooid i jngiar, ka akor ka burom, hynrei ini i yoh naam ka dong toh deiwa em ki seiñ kynthai kiwa kreh chirup waka dorbar chnong.
Kam ka dak wow pynsah kynmoo yei dap 25 snem yong ka seiñ, ka CCWSO da pynmih ko ya ka kot sahkynmoo (Souvenir) kawa da pynlait paidbah da u kongsan u ma Andrew Shullai.
Ka seiñ kynthai da saam khusnam ko cha ki nongjop kiwa wa yachim bynta hei yaleh ke byrngia, haka Debate ka nam wa nyngkong da lai ko cha u Kitbokmi Dkhar, wa ar cha u Lamwan Lyngdoh wa le cha u Cheristar Laskor.
Ha ka Quiz ka nam wa nyngkong da lai ko cha u Freddy N.Nongdhar wa u Ethan Dhar, wa ar cha ka Charity Lhuid wa u Heibormi Lamin, wa le cha u Hesper Khlem wa u Mansan Khlem.
Ha ka Extempore-speech ka nam wa nynkong da lai ko cha ka Charity Lhuid wa ar cha u Freddy Dhar wa le cha u Kitbokmi Dkhar.
Ha Fancy dress ka nam wa nyngkong da lai ko cha u Frankie Lyngdoh wa ar cha ka Tiffiny Dhar wa le cha ka Viviana Lyngdoh.
Ha ka dancing ha ka kyrdan Senior ya ka nam wa nynkong da lai ko cha ka Arsakani Lyngdoh, wa ar cha u Pynkynmoo Lyngdoh wa le cha u Chiruplang Lyngdoh. Ha ka kyrdan Junior won ya ka nam wa nyngkong da lai ko cha ka Tiffany Dhar, wa ar cha ka Dakahipaya Paslein wa le cha ka Rubyland Nampui, ha ka Group dance ka nam wa nyngkong da lai ko cha u Vernard. K. Majat wa u Cheerful Kharsati, wa ar cha ka Statue Kids wa le cha ka Larisa Slong waka Azania Lyngstang.
Ha ka singing ha ka kyrdan Senior yaka nam wa nyngkong da lai ko cha u Deibor Dkhar, wa ar cha ka Crosaline Paslein wa le Francis Phawa wa u Esmonderous Suting, ha ka kyrdan Junior ka nam wa nyngkong da lai ko cha ka Tiffany Dhar, wa ar cha u Heibormi Phawa wa le cha u Kyntu-i-dame Lamare.
Weiwa yaki khusnam cha ki nongjop da sam da u kongsan chirup wa ki dkhot ka Women’s Walfare Organisation.
Discussion about this post