U Montri Rangbah ka Arunachal Pradesh u Pema Khandu ynne ka sngi da pynbna u wa ka jylla deiwa bood yei nongmuna ka sorkar pyrdi kawa da pynhiar ya ka dan Central Excise Duty ynnin ka sngi wa da kheiñ ha i Petrol wa Diesel da T. 5 wa T. 10 iwa krehkaam nadooh ynne ka 4 tarik, neiliang yong oo leh da rai u wow pynduna ka VAT wa da kheiñ hei Petrol wa i Diesel hapoh ka jylla.
U Khandu ynne da pynbna wa da pynduna ya ka VAT kawa 20% cha 14.5% neibynta i Petrol katwa yei Diesel da pynhiar naka 12.5% cha ka 7%.
Deiwa kheiñlang hadien wa da pynhiar ya ka dan da ka sorkar pyrdi waka sorkar jylla, u Khandu da pyntip u wa i Petrol ha Arunachal u man i T. 91.87 chi liter katwa i Diesel u man i T. 79.83 chi liter nadooh ka 5 tarik uni u bnai.
Ini i pynhiar ya ka VAT daka Arunachal cha 14.5% wa 7% da man ko leh kam kawi na kiwa duna dooh hapoh ka ri heiwa hadien wa pynhiar ka sorkar pyrdi yei dan, i Petrol ha kiwa boon ki jylla toh iwa dang kynjoh hi T. 100.
