Pynhiar ka GST Council ya ka dan yong ki 177 tylli ki mar na ka 28% cha ka 18%

Jowai: Ha ini wa dadep kamwa 227 tylli ki mar da kheiñ dan ya ki 28% hapoh ka GST tangwa hadien wa kini kiwa boon ki mar toh kiwa pynemkaam man ka sngi da ku dor ki da mih boon i ood ym du na ki paidbah kamjooh kiwa khayi, kamtæ da chim ya ka rai wa ki 177 tylli ki mar na ki 227 tylli daw kheiñ noh ki ya ka dan wa 18%.

Ini toh hadien wa da pynbna da ka GST Council hadien wa da kut ka yalang yong ka deiwa ong wa ki mar kam ki shampoo, deodorant, toothpaste, ki umsoh, chewing gum, washing powder wa kiwi kiwi da booh dan ya ki da ka 18%.

Ini mut kattu da em sa du 50 tylli ki mar wa kheiñ dan 28% kam ya ki Washing Machine, Air Conditioner, i khyndaw bilat wa kiwi kiwi.

Ini i pynhiar dan ka sorkar da kheiñ wa daw dooh nong ko kamwa T. 20,000 Klur.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024