• About Us
  • Contact Us
  • Privacy Policy
  • Advertise With Us
  • Terms & Conditions
Monday, May 12, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Culture

Pynhiar pyrda u RC Laloo yei lehkmen dap 100 snem ka Yungwalieh ka DC Panaliar

Wyrta Staff by Wyrta Staff
December 28, 2016
Reading Time: 4 mins read
A A
0
Share on FacebookShare on Twitter

Jowai : Ka Dorbar Chnong Panaliar man ko kawi na ki chnong kawa da naam ym du ha Raij Jowai tangwa ha kylleiñ ka ri-loom Jaiñtia wei ha kani ka chisnem wa da lai da pynman ya ka lehkmen wa ha rukom hei yatoh wa i dap 100 snem ka Yungwalieh ka chnong.

Ynne ka sngi kani ka lehkmen da wan pynhiar pyrda ya ka da u Symbood Montri Rangbah ka jylla u RC Laloo uwa man kam u kongsan hei emlang u MP ka Shillong u ma Vincent H Pala kam u symbood kongsan.

Ya ka yalang pynhiar pyrda da pynman ha Yungwalieh ka Panaliar, heiwa da pyllai ya ka da u B. Shylla wa ka R. Passah wei chwa u sdang da yoh ya ki kyntien ngooh blai na u ma M. Rymbai.

U Arwotki Sumer uwa man leh kam u Waheh Chnong ka Panaliar da e u ya ki kyntien pdiang burom wei da khana u leh ya ka parom chaphang ka Yungwalieh ha kini ki 100 snem wa da lai.

Related posts

I pyntip wa emkaam ya ki khon ka Seiñkur Langi

May 11, 2025

Da ki ar tylli ki Drama pynkut ka Chilliangraij ya ka Bamphalar 2025

May 11, 2025

Chwa u snem 1916 lada emkaam yung ki khon ka Panaliar kam ha ka Chaad Sukra, ka Behdieñkhlam, wa kiwi kiwi jooh chna ki dei yung dara iwa chibet chipor (temporary) wei ha u snem 1914 da sdang ki u khrong poisa yow chna ya ka Yungwalieh wei ha u Wisu (March) 1916 da chna ya ka.

Kani ka yung da neh i hadooh u snem 1954 heiwa da sliah biang ya ka yow chna da kawa iwa pynbood won ya i yung RCC iwa katni yeiwa da sdang u chna ha u snem 1990.

Kani ka yung da neh ko nadooh u 1916 hadooh u snem 1954 heiwa da sliah biang ya ka yow chna da i yung RCC iwa katni, yeiwa da sdang u chna ha u snem 1990.

U ma SR Paswet uwi na ki waheh ka chnong uwa da yoh u sakhi ya ka Iungwalieh ha ki le pateiñ heiwa da ong u wa heipor wa chna ya ka ya ki tin jooh lai kit ki waheh nadooh Chylot (i pyrtuid wa jooh khut ki ya ka Sylhet).

Ya ka poisa won da khrong na waroh ki khon ka chnong la ki wa dooh næ kiwa yoh wei e ki kat iwa sñiaw biang ki.

U ma Vincent H Pala kam u symbood kongsan da e yaroh u ya ka Panaliar wei jooh kynmoo u wa ka bei yong oo kawa jooh sah ha Dulong jooh e nongmuna ko ya ka Panaliar wa em ki Engineer wa ki Doctor iwa da e mynsien leh ya oo wow booh thong wow man kam u Engineer.

Kam u kongsan won u R.C. Laloo da e yaroh u ya ka chnong wa yatylli ko neibhah wa kini ki dak ki chin pynyoo ko wa ka chnong lai ko chaphrang, kawa khih wa kreh wow lai chaphrang wow yoh ya ki soh wa thiang nadooh nachwa kiwa yoh i u yoo katni.

Ha kani ka yalang da yoh leh ya ki rwai ki siaw wa ki chaad wa da pynkhreh da kai khon ka chnong kamjooh leh ya ki kyntien e khublei na u Secretary u ma C. Phawa.

ShareTweetSendShare
Previous Post

Ka miet wa kyrpang ya ki khynroo khyllood ka Chutwakhu

Next Post

Jop u Mantre ha ka yakop Rah Mookhrah

Next Post

Jop u Mantre ha ka yakop Rah Mookhrah

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar