Jowai : Katkam ka yutip wa da yoh da ong wa ynnin i step heipor kamwa 8 waje da wan syndet ka la-ær ha ki chnong wa em ha ki thaiñ Dalu hapoh ka West Garo Hills heiwa boon ki yung da jæd ki.
U Deputy Commissioner ka West Garo Hills u Pravin Bakshi da pyntip u wa ha ini ki jia ka da chah ktah hadooh kamwa 30-40 tylli ki yung ha ki thaiñ Dalu.
Da yoh yutip wa wat hadooh ka Aganwadi Centre ha kani ka chnong leh da chah pynjæd ko wei neiliang ka sorkar dalai li sylli ko wow antaad yei chah ktah kini ki manyung, heijooh i por ka sorkar smat ko wow yarap ya kini ki manyung kiwa da chah ktah.
Hei miet ka 10 tarik neiliang u DC ka South West Garo Hills da pyntip paidbah u wei da maham u leh ya ki paidbah wa ye u khai ka la-ær heiwon heiwon i por ha ki sngi wow wan.
Discussion about this post