Pynjæd ka Liang Pyrchah ya ka Bill wa wanrah u Amit Shah yow pynhiar chuki ya u PM wa ki Montri wa emkti ha ki kaam pyrchah aiñ

Ka Lok Sabha ynne i sngi da sakhi ko yei awri hadien wa wanrah ya ka Bill (ka aiñ wa tyrwa) ya kawa tip kam ka Constitution (130th Amendment) Bill, 2025 kawa ong wow pynkhiar chuki ya ki Prime Minister næ ki Montri sorkar kiwa chah pynbaad ha ki kaam wa khor wa pyrchah aiñ wei kiwa da chah kset ym duna ya 30 sngi. 

Heipor wa wanrah ya kani ka Bill, ki MP ka BJP wa TMC da jan yachoh ki hapoh ka yung dorbar. 

Mar ya wanrah u Home Minister, u Amit Shah ya kani wa kiwi ki Bill, ki MP ka Trinamool Congress da sdang ki wow kbai chirup wa kiwi ki MP na kiwi ki Party.

Ki MP ka Congress da yieñ ki wow pyrchah ya kani ka Bill heiwa u MP yong ka, u KC Venugopal, da pyrchah u ya ka Bill deiwa pynkynmoo wa u Amit Shah da dep chah kem u heiyatoh wa i chah siat yap u Sohrabuddin Shaikh, kamtæ da dawa u wow hiar chuki noh u kattæ.

Related posts

Chah ieh iwi i khonboo wa dang dep kha ha ka Gate ka Ganesh Das Hospital

April 8, 2026

Kyntu u Kyrmen Shylla wow chah u tih mooyong kam nachwa deiwa pynkylla ya ka SOP

April 8, 2026

U Amit Shah heiyatoh wa ini da jubab u wa heitu i por wa ma u kam u Home Minister ka Gujarat da hiar chuki u mar ya mih i pynbaad wei da ksoh biang u ya kawon kawon ka chuki du hadien wa ka yung bichaar da pynsakhiat ko wym em kti u.

U Venugopal da pynjæd u leh ya kani ka Bill wei da noh u ka yeiwa da pynbood sa ki MP ka Congress, Samajwadi Party wa kiwi kiwi kiwa da sdang wow kbai wow awri. Hadien ini u Montri ka Parliamentary Affairs, u Kiren Rijiju da lai u cha thaw chong u Amit Shah wei da phah chong u ya waroh ki MP.