Jowai: Ka chnat i chait i khiah ka West Jaiñtia Hills ha kini ki sngi wa dadep da pynjoor ko ya i sylli namo ka Screening ya ki bru kiwa wan na baar ka District khamtam kiwa wan na ki thaw wa chah ktah ha ka khlam u COVID-19.
Ynne da sakhi ya ki wakreh ka chnat ha Yingkieñ Myntdu chwa wow psi cha Jowai heiwa da sylli ya ki bru kiwa wan na baar ka District.
Chwa ini da leh ya ki Screening ha ki thaw wow psiah chapoh ka District wa ka Bangladesh ha Tamabil wei hadien wa da khang ka sorkar pyrdi ya kani ka thaw psiah da sangeh noh ya kani ka Screening ha kani ka thaw. Da pynman leh ya ka screening ha ki thaw wow psiah cha ka District na jylla Assam kam ha Khanduli wa Saphai.
Hadien wa em ki bru kiwa da yoh ya uni u khñiang ha East Khasi Hills da leh noh ya ka Screening neibynta kiwa wan na kani ka District.
Ki wakreh ka chnat ha Yingkieñ Myntdu da pynemkaam ki ya ki Thermal Scanner wei da chim yutip ki leh ya ki thaw wa lai wa wan ki bru kiwa psiah chapoh ka District.
Discussion about this post