Jowai: Ka seiñ Hynniewtrep Students Union (HSU) Central Body ynne ka sngi da pynskem ko sa kawi ka tnat krehkaam yong ka kawa tip kam ka Hynniewtrep Students Union West Jaiñtia Hills Circle.
I thmu wa kyrpang yong ka seiñ wow pynkha ya kani ka Circle toh wow pynkhlan chooh chooh ya ka seiñ wow pait wow sylli ko ya i eh i khoo yong ki paidbah ha kani ka District dei yakrehlang wa ka Central Body yow wanrah ya i yatylli ha ka imlang sahlang.
Ha kani ka sngi yow pynskem ya ki dkhot katai ka Circle da pynbaam smai da u President yong ka Central Body u Kyrshan Rymbai uwa da e leh ya ki kyntien sneiñ kyntien e mynsien deilang wa ki kattu katni ngut ki rangbah kani ka thaiñ.
Kiwa kitkaam kani ka Hynniewtrep Students Union West Jaiñtia Hills Circle man ki kamni ha wah:
President-Nabait Ymbon, Secretary-Wompher Wann, Vice President-Pormi Suchiang, Assistant Secretary-Dalangki Langstang, Organising Secretary-Kyrshanbor Langbang, Publicity Secretary- Mardahunlangki Wann, Discipline Secretary-Marbiang Langstang, Environment Secretary- Arwanki Shullet, Education Secretary-Planmiki Langbang, Finance Secretary-Omar Lin Wann, Art & Cultural Secretary-Emshwami Phyllei wa 15 ngut ki Executive Members.
Kani toh katkam ka khubor na u Secretary ka HSU West Jaintia Hills Circle na u Wympher Wann.
Discussion about this post