Jowai: Ka Federation of Khasi Jaiñtia and Garo People (FKJGP) Jaiñtia Hills Zone ynne ka sngi da pynkha ko yaka chnat seiñ kynthai yong ka wa tip kam ka FKJGP Women’s Wing Jaiñtia Hills Zone haka yalang wa da pynman ha Bosco Pnar, Salini Colony Jowai wa da emlang nadooh kiwa yahkhmat rangbah ka seiñ wa kynthup ya u Wilbert Rani President Central Body, u D. Khongsit General Secretary Central Body, u Kitbok Nongphlang C.O. Central Body Cum In-charge Jaiñtia Hills, nalor u President ka FKJGP ka Jaiñtia Hills Zone u Tuesday Lytep, u Alphrin Dkhar Chief Adviser FKJGP East Jaiñtia Hills wa kiwi haka yalang wa pynlai da u D.S. War Chief Organising Secretary FKJGP Jaiñtia Hills Zone.
Yei baam smai ki dkhot ka chnat seiñ kynthai da pyndep da u Wilbert Rani, President Central Body, wei da e u leh ki ktien kyntu kyrsu, ki ktien e mynsien heiyatoh wei lai luti wa chaphrang neibynta ka imlang sahlang.
Heijooh i por ong u wa i por hi leh da dawa yaki kynthai kamjooh u mih madan neibynta u yada yaka ri ka jaitbru, sa iwi leh ong u wa i embynta ki kynthai næ manbei ha iwon iwon i kaam pynchngaaiñ wei e mynsien ko yaki chynrang wow toor chakhmat.
Ki dkhot yong ka seiñ kynthai kynthup ki ya ka Ibawanpyntngen Law kam ka President, Vice President ka Peace Siangshai, Secretary ka Daroi Mary Papang, Asst. Secretary ka Balarihun Suiam, Organising Secretary ka Wadladshwadaka Langstang, Asst. Organising Secretary ka Laurika Tang, Information Secretary ka Merinda Shangpung, Asst. Information Secretary ka Langtu Sumer, Sport Secretary ka Ardawaka Langstang, Asst. Sport Secretary ka Arliba Tang, Education Secretary ka Magdalena Suiam, Asst. Education Secretary ka Mercy Lamare, Disciplinary Secretary ka Rap Shadap, Asst. Disciplinary Secretary ka Jaida kyndiah deilang wa 5 ngut ki dkhot.
